Një ndërtesë tre katëshe është shembur në qytetin sicilian të Mesinës, ku një person është shpallur tashmë i vdekur dhe pesë të tjerë po kërkohen ende nën rrënoja, sipas shërbimeve të emergjencës. Ndërtesa në jug të mesinës mbante disa biznese dhe apartamente. Zyrtarët kanë konfirmuar tashmë se trupi i njërit prej gjashtë të zhdukurve është gjetur dhe besohet se bëhet fjalë për një biznesmen lokal i cili ishte i bllokuar nën një pllakë të madhe betoni. Tre persona të plagosur janë dërguar në spital dhe njëri prej tyre është në gjendje kritike. Raportohet edhe për të tjerë të lënduar që janë shpërndarë në spitale të zonës me plagë që nuk janë kërcënuese për jetën. Ndërtesa e shembur kishte dyqane në katin e parë dhe apartamente në katet më të larta. Zona e katastrofës është rrethuar dhe mbyllur për trafikun për të lejuar ekipet e shpëtimit që të vazhdojnë kërkimin në mënyrë të sigurt.