Një zjarr që shpërtheu në një shtëpi të moshuarish në Milano ka lënë të vdekur gjashtë persona, thanë zjarrfikësit italianë, ndërsa autoritetet shtuan se edhe një “numër i madh” i banorëve të kësaj shtëpie janë shtruar në spital. “Gjashtë persona kanë humbur jetën, një numër i madh banorësh janë shtruar në spital. Dhjetëra persona janë shpëtuar nga zjarrfikësit të cilët menjëherë kanë ndërhyrë për të evakuuar ndërtesën”, thanë zjarrfikësit përmes një postimi në Tëitter. Në ndërtesën ku shpërtheu zjarri, në jug të Italisë, raportohet se qëndronin 210 persona. Shkaku i shpërthimit të zjarrit ende nuk dihet, thanë autoritetet.