Një çift të moshuarish janë gjetur të vdekur në banesën e tyre në fshati Bodërisht të Bashkisë së Dropullit. Ngjarja dyshohet se ka ndodhur gjatë natës. Të moshuarit, Kosta Ilia, 84 vjeç dhe Kleoniqi Ilia, 88 vjeçe, bashkëshortë me njëri tjetrin janë gjetur të pajetë rreth orës 08:00. Trupi i pajetë i 84 vjeçarit është gjetur në oborrin e banesës, ndërsa ai i bashkëshortes së tij brenda saj. Policia thotë se nga këqyrjet paraprake të trupave të 2 shtetasve, janë konstatuar shenja dhune, dyshohet të shkaktuara me mjete të forta rrethanore. Gjithashtu, nga këqyrja paraprake e vendit të ngjarjes, nuk janë konstatuar thyerje të dyerve apo dritareve, si dhe në brendësi të banesës nuk janë konstatuar çrregullime të orendive, që mund të çojnë te dyshimet se çifti është viktimë e ndonjë grabitje të dhunshme. Fqinjët thonë se dy bashkëshortët jetonin vetëm.