Policia e Shkodrës ka kapur dhe arrestuar dy persona të shpallur më herët në kërkim për trafikim lëndësh narkotike. Burimet zyrtare bëjnë me dije se Forcat e Posaçme “Shqiponjat” kanë kapur dhe ndalur një 32 vjeçar, banues në Koplik, Malësi e Madhe. Gjithashtu u bë arrestimi në flagrancë, për veprën penale ”Përkrahja e autorit të krimit”, i një 22 vjeçari, banues në Kamicë të Malësisë së Madhe. Arrestimi i këtyre dy shtetasve ka ndodhur në lagjen “Qemal Stafa” në Shkodër duke qarkulluar me një automjet. Në vitin 2018 këta dy shtetas kanë tentuar të trafikojnë nëpërmjet liqenit të Shkodrës një sasi prej 93 kg bimë narkotike të llojit marijuanë, në vendin e quajtur “Syri i Kripës”, në fshatin Vukpalaj, Malësi e Madhe. Nga strukturat e Seksionit për Hetimin e Trafiqeve dhe Narkotikëve, u bë ekzekutimi i vendimit të Gjykatës së Apelit Shkodër, e cila ka caktuar masën e sigurisë “Arrest në burg” për veprën penale “Trafikimi i narkotikëve”. Materialet iu referuan Prokurorisë së Rrethit Gjyqësor Shkodër, për veprime të mëtejshme.