Tre persona u arrestuan dhe dytë të tjerë u shpallën në kërkim si të implikuar në episodin e trafikimit të 485.5 kg kokainë nga Kolumbia në vitin 2022. Ngarkesë që ishte fshehur në pleh organic artificial dhe që u kap në Frakull të Fierit. Në pranga përfunduan Klevent Gjolena, Musa Gjikola dhe Aldi Zonja. Ndërsa vijon puna për kapjen e Kevin alias Arjan Margjonii dhe Durim Keçit. Këta dy të fundit dyshohet se ndodhen jashtë vendit dhe për këtë arsye janë vendosur në dijeni nga ana e SPAK edhe partnerët ndërkombëtarë. për këtë rast janë dënuar 10 persona ndërsa vijon gjykimi për dhe për një kolumbian. Pesë personat e vendosur nën hetim u zbuluan gjatë hetimeve që u kryen nga ana e agjetnëve për këtë dosje, ku SPAK ka mundur të mbledh prova se dhe këta janë pjesë e grupit. Në kuadër të hetimeve dhe me autorizim të Gjykatës së Posaçme janë kryer edhe disa kontrolle në banesa, automjete dhe ndaj personave të përfshirë, kiu janë sekuestruar katër automjete Land Rover të viteve e modeleve të ndryshme dhe dy aparate celularë. SPAK thotë se hetimet po vijojnë për administrimin e provave të tjera dhe për identifikimin e personave të tjerë që mund të jenë të përfshirë në këtë veprimtari kriminale.