Gjashtë prej personave të arrestuar si pjesë e një organizate kriminale që trafikonte kokainë nga Amerika Latine drejt Evropës, u lanë në qeli, ndërsa për personin e shtatë, Riza Cela, Gjykata e Posaccme zbuti masën e sigurisë, nga arresti në burg në arrest shtëpie. Gjyqtari Erjon Bani në seancën disa orëshe të verifikimit të kushteve të masës së sigurisë, vendosi vijimin e masës arrest në burg për Ervis Celën, njërin prej krerëve të organizatës, si dhe për Albin Çela alias Defrim Çela, Petrit Lakatos alias Petrit Sulejmani, Renato Musaku, Gert Çerma, Marenglen Kamami dhe Elidon Çela. GJKKO gjithashtu konfirmoi masën “detyrim paraqitje” për dy shoferë autobusësh, Kujtim Gjyla dhe Ditjon Pepa, teksa në kërkim vijojnë 5 persona. Kreu tjetër i organizatës kriminale, Franc Copja ndodhet i arrestuar në Belgjikë.