Një tjetër rast i trafikut të klandestinëve është goditur nga policia kufitare në Pogradec, përmes bashkëpunimit me policinë rrugore. Rasti në fjalë, si pjesë e operacionit perimetri të ndërmarrë në rajonin juglindor prej muajsh, ku janë goditur me dhjetëra raste të emigrantëve të paligjshëm. Gjatë këtij operacioni pas informacioneve të siguruara në rrugë operative u kap duke transportuar 3 emigrantë të paligjshëm, 29-vjeçari me inicialet E.V nga Mbroprja e Korçës. Ky shtetas u kap nga shërbimet e Policisë Rrugore në lagjen nr. 1, Pogradec, duke transportuar në drejtim të Tiranës, me mjetin tip "Audi", tre emigrantë të paligjshëm, të cilëve kundrejt shpërblimit iu kishte premtuar kalimin drejt vendeve të BE-së. Materialet i kaluan Prokurorisë së Rrethit Gjyqësor Pogradec, për veprime të mëtejshme.