Gjykata e posaçme e Apelit ka rrëzuar kërkesën e Arbër Çekaj i cili kërkonte të mos gjykohej me gjykim të shkurtuar. Menjëherë pas refuzimit të kërkesës Cekaj vendosi të largohej nga seanca dhe deklaroi se nuk donte të mbrohej më nga dy avokatët Maks Haxhia dhe Neshat Fana. Seanca e radhës u shty për në 7 maj ku prokuroria do të paraqesë konkluzionet dhe gjykata do të japin vendimin. Prokuroria fillimisht kërkoi 21 vite burg për Çekaj, por pas gjykimit të shkurtuar, përfitoi ulje me 1/3-tat dhe u dënua me 14 vite burg. Arbër Çekaj është pronari “Arbën Garden”, magazinave brenda të cilave u kapën 613 kg kokainë dy vite më parë. Ndërkohë vetëm disa javë më parë, babai i tij u zbulua me një tjetër sasi prej 49 kg kokainë, Selim Çekaj. Ashtu si edhe i biri, Selimi ndoqi të njëjtën rrugë dhe skemë për të fshehur kokainën. Kjo pasi sasia e drogës ishte futur në pjesët metalike të një kontenieri i cili ishte nisur nga porti i Guajakilit në Ekuador, kishte bërë një ndalesë në Mersini të Turqisë dhe destinacioni final ishte Porti i Durrësit.