Asjan Buçeza ka rënë në prangat e policisë së Durrësit, pasi ishte shpallur në kërkim ndërkombëtar, nga autoritetet italiane për trafikim heroine. 65 vjeçari, i cili njihej ndryshe edhe me emrin Hasan Buçeza është arrestuar për t’u ekstraduar në Itali. Ai rezulton të ketë qenë i përfshirë në një organizatë kriminale me veprimtari në fushat e shitjes dhe trafikimit të lëndëve narkotike. Konkretisht nga viti 2004 deri në muajin prill 2005, ky shtetas, në bashkëpunim me shtetas të tjerë, ka trafikuar 19 kilogramë lëndë narkotike heroinë, drejt shtetit italian.