Gjykata e Posacme nuk arriti dot në një vendim për Selim Cekajn babain e Arber Çekajt, person ky që trafikoi 613 kg kokaine nga Amerika latine përmes kompanisë që kishte në pronësi. Edhe në seancën e kësaj të hëne, SPAK kërkoi pushimin e cështjes me argumentin që nuk vertetohet akuza për përfshirjën e tij në trafik droge. Por gjyqtari Erjon Bani argumentoi se do të marrë një vendim pasi të njihet me vendimin e djalit të tij Arber Çekaj, i cili u dënua per trafik lëndësh naroktike. Selim Çekaj u arrestua në vitin 2021 pasi në kompaninë që ai menaxhonte pas arrestimit të djalit të tij, Arbrit, u kapën në një kontejnerë me banane 49 kilogramë kokainë. Ai qëndroi disa muaj në burg por më pas masa ndaj tij u lehtësua për shkak të problemeve shëndetësore dhe moshës së tij. Droga, sipas dosjes hetimore, vinte nga Ekuadori dhe më pas do të shpërndahej drejt vendeve europiane por dhe brenda vendit.