Një shtetas ka rënë në prangat e policisë së Gjirokastrës, pasi është kapur në vendin e quajtur "Ura e Dragotit duke transrtuar emigrantë të paligjshëm. Bëhet me dije se shërbimet e Policisë kanë ndaluar furgonin tip “Benz”, që drejtohej nga ky shtetas, ku nga kontrollet janë gjetur 30 shtetas nga Vendet e Treta, të cilët 32-vjeçari po i transportonte në drejtim të Shkodrës, kundrejt pagesës me qëllim që të kalonin ilegalisht kufirin. Pas arrestimit të shoferit, policia po punon për identifikimin dhe arrestimin e bashkëpunëtorit të tij, i cili dyshohet se mbikëqyrte rrugën ku kalonte furgoni, me qëllim shmangien e shërbimeve të Policisë. Në cilësinë e provës materiale janë sekuestruar 2 automjete. Drejtoria Vendore e Policisë Gjirokastër, në zbatim të detyrave dhe planit të hartuar nga Policia e Shtetit, ka intensifikuar përpjekjet për të forcuar bashkëpunimin me partnerët, me synim identifikimin e individëve dhe grupeve kriminale të origjinës dhe tranzitit të kontrabandimit të emigrantëve të paligjshëm.