Një trafikant shqiptar droge i ka shpëtuar deportimit nga Britania e Madhe në Shqipëri, sepse vajza e tij lag shtratin. Shpresim Koka, 38 vjeç, i tha gjykatës britanike se vajza e tij kishte nevojë për 'ndërhyrje terapeutike' për shkak të problemit të saj që është përkeqësuar gjatë kohës që ai ishte në burg. Koka pretendoi se ishte refugjat kosovar kur mbërriti në Britani në vitin 2001, në moshën 14 vjeç. Gjashtëmbëdhjetë vjet më vonë ai u dënua me 21 muaj burg për rolin e tij në një bandë droge që merrej edhe me pastrim parash. Ai u kap nga Agjencia Kombëtare e Krimit pasi dorëzoi më shumë se 300,000 Paundë në Park Royal, në perëndim të Londrës, shkruan britanikja The Sun. Koka fillimisht duhej të deportohej pas vuajtjes së dënimit të tij. Megjithatë, ai qëndroi në Britani dhe u burgos për tre vjet për trafik kokaine. Pas një apeli, ai tani ka fituar të drejtën për të qëndruar në Mbretërinë e Bashkuar. Kjo pasi një gjykatë e imigracionit vendosi në shkurt: "Efekti mbi vajzën e tij do të ishte i rëndë". Kuptohet që Ministria e Brendshme e ka kundërshtuar vendimin dhe është urdhëruar një seancë e re dëgjimore.