Pesë persona, një i dënuar në Spanjë për trafik drogë dhe pjesëmarrje në organizatë kriminale si dhe katër të tjerë të dënuar për vjedhje me armë duhet të plotësojnë formularin për deklarimin e pasurisë, afati për të cilët është 48 orë. Bëhet fjalë për Erneo Farruku, Ahmet Alla, Edison Alhasa, Dritan Gjata dhe Ardian Sula. Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme. OFL është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krimi, si dhe për dërgimin e formularëve të vetëdeklarimit të gjithë personave që janë subjekt i Ligjit Special.