Astrit Avdylaj, kreu i bandës së Shijakut, u arrestua këtë të shtunë nga policia. 50-veçari është një nga personat më të kërkuar të drejtësisë. Ai akuzohet nga SPAK se ka marrë pjesë në organizimin e atentatit ndaj Valter dhe Durim Bmait. Sipas dosjes së Prokurorisë së Posaçme, Astrit Avdylaj ka angazhuar Arben Mërkurin dhe Aldo Avdylajn për të realizuar vrasjen, për llogari të Arben Ndokës. Por ndaj tij rëndojnë edhe akuza të tjera, si ajo për trafikim droge, vrasje, prostitucion, por edhe për lidhje të forta politike. Rrugëtimi I tij kriminal ka nisur pas vrasjes së djalit të xhaxhait Dritan Avdyli. Astriti, I cili më herët ishte dënuar në itali për prostitucion, u hakmor duke vrarë në qendër të Shijakut. Në krime u përfshinë dhe anëtarët e tij të familjes, Ndërkohë emri I tij ka dalë dhe në përgjimet e “Bild”, ku shfaqej duke biseduar me ish-kreun e bashkisë së Durrës, Vangjush Dako. Sipas përgjimeve të Bild, ata flisnin për sigurimin e votave, por edhe për influencë në përzgjedhjen e kandidateve për deputetë të PS në këtë qark në zgjedhjet e 2017. Astrit Avdyli u lirua nga burgu më 2 mars 2016 Pak kohë pas lirimit nga burgu, Avdyli u vendos nën hetim për përfshirje në trafikun e drogërave të forta. Për dy vjet e gjysmë, Prokuroria e Krimeve të Rënda kreu me qindra orë përgjime dhe ndërroi tre grupe prokurorësh, derisa në tetor 2018 ngriti akuza për 44 persona të akuzuar për trafik ndërkombëtar droge, korrupsion, ushtrim ndikimi të paligjshëm apo falsifikime masive me pronat. Astrit Avdylaj është liruar nga qelia e paraburgimit dy vite pas arrestimit të bujshëm, në korrik 2021 dhe përfundoi në ‘arrest në shtëpi’.