Dy persona në kërkim ndërkombëtar për trafik droge janë arrestuar në Durrës. Shtetasi E. A, 46 vjeç u kap teksa lëvizte me automjet, në aksin rrugor “Rrogozhinë–Peqin”, pasi Gjykata e Apelit e Bolonjës, Itali, e ka dënuar me 7 vjet, 5 muaj dhe 9 ditë burgim, për trafikim të lëndëve narkotike, armëmbajtje pa leje dhe kanosje. Ndërsa S. K, 38 vjeç, u kap në fshatin Sukth i Ri, pasi autoritetet gjyqësore në Madrid i kanë caktuar masë sigurie “Arrest në burg”, për veprat “Trafikimi i lëndëve narkotike” dhe “Pjesëmarrja në organizatë kriminale", me qëllim tregtimin e lëndëve narkotike. Operacioni I koduar“Implikimi” u finalizua si rezultat i koordinimit të informacioneve dhe veprimeve operacionale me partnerët ndërkombëtarë në Itali dhe në Spanjë, në bashkëpunim me specialistët e Seksionit për Mbështetjen Operacionale të Hetimit, si edhe me shërbimet e komisariateve të Policisë Shijak dhe Kavajë. Interpol Tirana, në bashkëpunim me autoritetet italiane dhe spanjolle, vijon procedurat për ekstradimin e këtyre shtetasve.