Dosja e plotë e ‘Toyota Auris’, hetimet, dëshmitë dhe përgjimet që ajo përmban janë shtrirë në sistemet gjyqësore të tri shteteve, Shqipërisë, Belgjikës dhe Gjermanisë. Ngjarja daton mëngjesin e 24 qershorit të vitit 2018, kur në Portin e Durrësit u sekuestruan 3.4 milionë euro, të fshehura në tapicerinë e dyerve anësore të dy makinave të importuara nga Belgjika, të tipit ‘Toyota Auris’. Lajmi për pastrimin e parave në portin e Durrësit mbërriti në Shqipëri në 21 qershor, pak ditë para mbërritjes së parave, gjatë fjalës së kryedemokratit Basha në parlament. Hetimi për këtë çështje u shtrinë në Shqipëri, Belgjikë dhe Gjermani, si vende ku kishin kaluar makinat para mbërritjes në portin e Durrësit. Prokuroria e Krimeve të Rënda e regjistroi procedimin penal në korrik të tre viteve më parë. Prokuroria akuzoi dy kushërinjtë Elvis Vladi, 39 vjeç dhe Alfred Vladi, 33 vjeç për krijimin e një organizate me qëllim pastrimin e parave me origjinë kriminale, pasi dy makinat tip ‘Toyota Auris’ dyshohej se ishin nisur në emër të tij. Megjithatë, Elvis Vladi u shpall i pafajshëm në janar 2016 pasi akuzat ndaj tij u rrëzuan.