Gjykata Themelore në Prishtinë ka dënuar me 12 vite e gjashtë muaj burgim për krime lufte në Panorc të Malishevës, shtetasin serb Sërgjan Lazoviq. Aktakuza ndaj tij ishte ngritur më 2024 nga Prokuroria Speciale e Kosovës. Lazoviç akuzohet se 3 shtatori i vitit 1998 deri më 5 tetor të po atij viti, në fshatin Panorc të Malishevës, si person me uniforme, së bashku me pjesëtarë të tjerë të forcave policore dhe ushtarake serbe, kanë arrestuar ndaluar, torturuar, keqtrajtuar fizikisht dhe psiqikisht rreth 500 civilë. Prokuroria ka argumentuar se banorë të fshatrave të Malishevës dhe Klinës u detyruan të largoheshin nga shtëpitë e tyre, duke shkuar në drejtim të bjeshkëve të fshatit Panorc dhe me të arritur aty, civilët hasën në një postbllok të forcave policore serbe. Aktakuza thotë se forcat serbe fillimisht i ndan burrat nga gratë dhe fëmijët, duke i urdhëruar këta të fundit që të largoheshin. Sipas organit të akuzës 500 burra shqiptarë u arrestuan dhe u dërguan në drejtim të shkollës së fshatit dhe rrugës u keqtrajtuan dhe rrahën.