Një tornado e fuqishme ka përfshirë Brazilin jugor, duke shkaktuar të paktën gjashtë viktima dhe rreth 750 të plagosur, sipas autoriteteve lokale. Më shumë se 1 mijë persona mbetën pa strehë pasi stuhia, me erëra që arritën deri në 250 km/h, goditi shtetin e Parana-s. Qyteti i Rio Bonito, me rreth 14 mijë banorë u godit më rëndë të premten pasdite, duke pësuar dëme masive. Guvernatori i qytetit deklaroi se rreth 90% e ndërtesave të qytetit janë shkatërruar, ndërsa në të gjithë rajonin u shpall gjendja e jashtëzakonshme.