Irani është gati të zvogëlojë rezervat e tij të uraniumit të pasuruar në mënyrë që të arrijë një marrëveshje me Shtetet e Bashkuara për programin e tij bërthamor. Zëvendësministri i jashtëm i Iranit, Majid Takht-Ravanchi, i tha BBC-së se vendi i tij është "gati të diskutojë këtë dhe çështje të tjera që lidhen me programin e tij nëse janë gati të flasin për sanksione". Është hera e parë që një negociator i lartë ka pranuar se Irani është i gatshëm të bëjë kompromis për programin e tij bërthamor, duke sugjeruar përparim të mundshëm përpara një raundi të dytë bisedimesh këtë javë. Ai gjithashtu sugjeroi që SHBA-të i kanë thënë privatisht Teheranit se do të ishin të gatshme të lejonin Iranin të mbante një pjesë të uraniumit të pasuruar, pavarësisht qëndrimit publik të Donald Trump për tolerancë zero. Zëvendësministri i jashtëm i Iranit gjithashtu pretendoi se Uashingtoni nuk po përpiqet më të përfshijë çështje të tjera në bisedimet bërthamore, të tilla si programi i raketave balistike të regjimit ose mbështetja e tij për grupet terroriste në Lindjen e Mesme. “Me sa kuptojmë, ata kanë arritur në përfundimin se nëse duhet një marrëveshje, duhet të përqendrohemii në çështjen bërthamore”, tha ai.