Shkencëtarët kanë dhënë alarmin se me këtë ritëm të rritjes së emetimeve të karbonit në atmosferë, në 7 vite do të kemi një rritje të vazhdueshme të temperaturave me më shumë se 1.5 gradë Celius. Emetimet globale të karbonit nga nafta, gazi dhe qymyri janë rritur përsëri këtë vit - me 1.1 për qind krahasuar me nivelet e vitit 2022 për të arritur rreth 36.8 miliardë tonë. “Ndikimet e ndryshimeve klimatike janë të dukshme kudo rreth nesh, por veprimi për të reduktuar emetimet e karbonit nga lëndët djegëse fosile mbetet jashtëzakonisht i ngadalshëm”, thotë profesor Pierre Friedlingstein, i cili drejton studimin klimatik. Në studim theksohet se një rol të rëndësishëm në rritjen e nivelit të emetimeve të karbonit në atmosferë kanë luajtur edhe zjarret e shumta në vende të ndryshme të botës e sidomos ato në Kanada.