Ushtria ukrainase ka njoftuar përditësimin e një prej armëve të saj më efektive ndaj forcave ruse, dronin ujor. Pagëzuar me emrin ‘Sea Baby’, dronët janë shndërruar në tmerrin e flotës ruse në Detin e Zi. Me përditësimin e ri, Ukraina thotë se i ka bërë edhe më të frikshëm ata. Ndryshimet përfshijnë rritjen e kapaciteteve transportuese të tyre, duke qenë në gjendje që tashmë të mbajnë edhe raketa GRAD me peshë 1 ton. Dronët detarë të përdorur nga SBU kanë goditur disa anije luftarake ruse, por deri më tani janë përdorur si drone kamikaze që shpërthejnë në përplasje ose në afërsi të një objektivi. Me ndryshimet e reja, ata janë shndërrohen në mjet transporti raketash, pa shpërthyer vetë. Sipas burimit të SBU, sistemi i ri i armëve ka qenë tashmë në veprim "kundër pozicioneve ruse pranë Mikolaivit. Fotografitë e publikuara nga ushtria ukrainase tregojnë dronin në testimin e lëshimit të raketave Grad në tokë.