Një avion i kompanisë EasyJet, i drejtuar për në Britaninë e Madhe, ka ndryshuar drejtim duke bërë ulje emergjence në Pragë pasi një kërcënimi për bombë në bord. Avioni po fluturonte nga Polonia drejt Bristolit kur piloti u detyrua të ndryshonte kurs për të zbritur në kryeqytetin e Cekisë. Ulja e emergjencës u bë rreth orës 23 të mbrëmjes së shkuar në aeroportin e Pragës Vaclav Havel. Në një postim në tëitter, zyrtarët e aeroportit thanë se ishte raportuar për një bombë të mundshme në bordin e avionit. “Të gjitha masat u morën për të garantuar sigurinë e pasagjerëve dhe të gjithë trafikut ajror nga policia e republikës ceke” – thuhej në njoftim. Avioni kishte një orë në fluturim kur trajektorja e tij ndryshoi. Policia ceke dërgoi ekspertët e lëndëve shpërthyese në vendngjarje por më vonë zyrtarët konfirmuan se asnjë objekt i rrezikshëm nuk ishte gjetur në avion pas inspektimit. Kompania easyjet ndërkohë nuk bëri menjëherë komente.