Një vajzë tre vjecare u gjet në gjendje kritike mbrëmjen e të enjtes, brenda lavatrices në shtëpinë e saj në paris por nuk mundi të mbijetonte dhe humbi jetën menjëherë më pas. Mediat franceze shkruajnë se 3 vjecarja u gjet brenda lavatrices nga babai i saj rreth orës 22.30 të mbrëmjes së të enjtes. Ajo u dërgua në spital në gjendje kritike por nuk mundi të mbijetonte. Sipas zyrtarëve, pas ekzaminimeve të para është konstatuar se vajza nuk kishte shenja në trup por autopsia do të tregojë më shumë. Babai 48 vjecar raportohet se ka thënë se dera e lavatrices ishte e mbyllur kur u gjet vogëlushja dhe se makina nuk ishte ndezur. Ai kishte qenë duke ngrënë darkë me bashkëshorten dhe një nga pesë fëmijët e familjes, kur edhe u shqetësuan përmungesën e vogëlushes në tavolinë. Fëmija më i madh i familjes ishte 18 vjec, dhe më pas vinin dy djem 16 dhe 7 vjec. E gjithë familja kishte nisur të kërkonte vajzën, madje edhe jashtë shtëpisë, me ndihmën e fqinjve. Sapo vajza u gjet, u njoftua edhe ambulanca. Një hetim ka nisur tani për të përcaktuar shkakun e vdekjes dhe për të qartësuar rrethanat e tragjedisë.