Një pasagjer ka humbur jetën pasi një avion i linjës Londër-Singapor, është përvalluar me turbulenca në ajër cka e ka detyruar më pas të bëjë një ulje emergjence. Avioni Boeing 777 i operuar nga Singapore Airlines u ngrit nga aeroporti Heathroë në Londër, pak pas orës 22:00 të hënën. Fluturimi SQ321 u përball me "turbulenca të rënda" në rrugë drejt Singaporit, gjatë stuhive ekstreme tropikale në rajon, tha linja ajrore. Një pasagjer humbi jetën dhe rreth 20 të tjerë raportohet se janë lënduar ndërkohë që avioni bëri një ulje emergjence në Tajlandë. Fotot dhe videot tregonin ambulancat dhe automjetet e urgjencave në pistë, pranë avionit. Imazhe të tjera tregonin ushqime dhe pajisje të shpërndara në korridorin e avionit Boeing. Një zëdhënës i Singapore Airlines tha se avioni "ishte përballur me turbulenca të forta gjatë rrugës" për në Singapor. Ne mund të konfirmojmë se ka të lënduar dhe një viktimë në bordin e Boeingut 777-300ER”. Sipas kompanisë, në bord kishte gjithsej 211 pasagjerë dhe 18 pjesëtarë të ekuipazhit. Incidenti më i fundit vjen ndërsa Boeing ndodhet në mesin e një krize, pas një serie problemesh me avionët e tij, përfshirë edhe vdekjen e një informatori të kompanisë. Një panel i një boeingu 737 u shkëput nga avioni në mesin e fluturimit dhe një rrotë ra nga një avion tjetër gjatë ngjitjes së tij.