Momente paniku janë regjistruar në një avion të Air Canada, pasi një prej pilotëve pësoi krizë epileptike gjatë fluturimit nga Newark, New Jersey, drejt Nova Scotias në Kanada. Sipas mediave amerikane, ekuipazhi ndërhyri menjëherë pasi piloti humbi kontrollin për shkak të gjendjes shëndetësore. Dëshmitarët thanë se stjuardezët vrapuan drejt kabinës dhe, me ndihmën e disa pasagjerëve, nxorën pilotin jashtë ndërsa ai po përjetonte problemin shëndetësor. Oficeri i parë mori kontrollin e avionit dhe kërkoi ulje emergjente në Aeroportin Ndërkombëtar të Bostonit. Avioni u ul në mënyrë të sigurt dhe 61 pasagjerët në bord nuk pësuan lëndime. Piloti, i cili raportohet se qëndroi pa ndjenja për pjesën më të madhe të incidentit, u dërgua në spital për trajtim mjekësor. Pasagjerët e përshkruan ngjarjen si shumë të frikshme, por falë reagimit të shpejtë të ekuipazhit, incidenti përfundoi pa pasoja tragjike.