Një nga inxhinierët më të lartë të Vladimir Putinit është ndarë nga jeta papritur, në moshën 74 vjecare, dhe ky është episodi më i fundit mes elitës ushtarake dhe shkencore të rusisë, këtë vit. Vladimir Nesterov, që ka projektuar raketën hapësinore ruse Angara, ishte akuzuar për korrupsion pak para vdekjes së tij. Njeriu që bëri që ëndrrat e putinit për eksplorimin e hapësirës të konkretizoheshin, me krijimin e raketës më të mirë në botë, ka qenë nën hetim këtë vit dhe shumë akuza rëndonin mbi të. Më herët drejtor i qendrës prestigjoze ruse Krunichev, Nesterov ishte truri që qëndronte pas raketave Angara, që Putini shpresonte të bëheshin pioniere të udhëtimeve hapësinore ruse. Misioni i parë për dërgimin e njerëzve në hënë, nga rusia, është një projekt në zhvillim e sipër dhe i gjithi ishte i mbështetur në dizajnet e nesterov. Por këto vite të fundit të jetës së tij, ai është shënjuar nga akuza për mashtrim dhe korrupsion. Një hetim penal nisi në 2014-ën dhe bëri që ai edhe të vihej në arrest shtëpie. Autoritetet e Putinit e akuzuan atë për përvetësim e një shume ekuivalente e rreth 75 mijë eurove. Sidoqoftë, rasti nuk arriti dot deri në gjykatë. Më herët, ai shihej në shkallë ndërkombëtare si lider në fushën e vet dhe i konsideronte raketat Angara si më të mirat në botë. Shkaku i vdekjes së tij ndërkohë nuk është bërë i ditur. Ai është zyrtari i katërt i lartë rus që humb jetën brenda pak ditësh dhe pason një seri vdekjesh të personave të afërt me Putinin që nga fillimi i luftës në Ukrainë.