Një tjetër ngjarje kriminale është parandaluar në familje. Shërbimet e Komisariatit të Policisë Nr. 1 kanë vënë në pranga një 50 vjeçar, i cili ushtronte dhunë, në mënyrë të vazhdueshme, ndaj bashkëshortes dhe fëmijëve të tyre. Policia njofton se 50-vjeçari banues në Shkozë, ka kërcënuar gruan dhe fëmijët se do t’i vriste me mjet prerës thikë. Pasi është njoftuar për rastin në fjalë, policia ka organizuar punën për parandalimin e ngjarjes së mundshme kriminale, dokumentimin e plotë ligjor të rastit dhe vënien e autorit të dyshuar përpara përgjegjësisë penale.