Një tjetër bos i energjisë në rusi është gjendur i vdekur, në të 40-tën vdekje të mistershme të një oligarku në vend. Trupi i Igor Shkurko, 49 vjec, zëvendësdrejtor i përgjithshëm i Yakutskenergo, u gjend në qelinë ku po qëndronte pasi ishte akuzuar më herët për marrje ryshfeti. Një ditë para vdekjes së tij, ai kishte bërë apel kundër asaj që ai e konsideronte një akuzë të fabrikuar për ryshfet. Një valë vdekjesh të pashpjegueshme kanë ndodhur në rusi që nga fillimi i luftës në Ukrainë, 24 shkurtin e vitit të kaluar. Ekspertët besojnë se të paktën 39 vdekje të mëparshme, të figurave të profilit të lartë, që variojnë nga oligarkë e shkencëtarë e deri tek gjeneralë, mund të tregojnë dorën hije dhe të larë me gjak të Kremlinit. Autoritetet ruse nuk kanë dhënë asnjë detaj se si ka vdekur Shkurko, por kanë thënë se të dhënat tregojnë se nuk ka sinjale të një vdekjeje kriminale. Kompania e tij lëshoi ndërkohë një deklaratë në të cilën thuhej: Ne do ta kujtojmë atë si një person të hapur, me zemër të madhe dhe sens humori, një drejtues të kujdesshëm dhe një familjar të përkushtuar”.