Këtë të shtunë, Presidentja e Kosovës, Vjosa Osmani ka bërë të ditur se shteti i Sudanit ka njohur pavarësinë e Kosovës. Në një video të publikuar në rrjetet sociale Osmani pas takimit me Ministrin e Punëve të Jashtme të Sudanit, Ali Youssef japin mesazhin për njohjen. "Ishte nder dhe kënaqësi të takohem me Ministrin e Jashtëm të Sudanit, takimi i parë ku më informoi me udhëzimin e Presidentit të Sudanit për të njohur Kosovën dhe për të thelluar bashkëpunimin diplomatik mes dy vendeve. Në emër të popullit të Kosovës, faleminderit nga zemra dhe njëkohësit jini të sigurt që mund të mbështeteni në Republikën tonë si aleat dhe partner i Sudanit", thotë Presidentja e Kosovës. Ndërkohë që ministri i jashtëm sudanez konfirmoi njohjen. "Jam i nderuar që përcjell mesazhin që populli i Sudanit njeh Kosovën si pjesë të komunitetit ndërkombëtar", tha ministri i jashtëm i Sudanit, Ali Jusef. Sudani bëhet shteti 119 që e njeh Pavarësinë e Kosovës dhe i dyti nga kontinenti i Afrikës, ku më herët ishte Kenia ajo që njohur Prishtinën zyrtare.