Tire Alldervishi do të qëndrojë në bugr deri në përfundim të hetimeve për çështjen në ngarkim të saj, por nga ana tjetër Prokuroria ka nisur zbardhjen e skemës së veprimeve korruptive. Një prej elementëve të hetimit janë bashkëpunëtorët e Tires në përfitimin e një shume prej 8 milionë lekë të vjetra për një paciente me Covid e shtruar në spitalin Shefqet Ndroqi, që tashmë ka statusin e një spital për trajtimin e të prekurve me koronavirus. Prokuroria e Tiranës ka shtrirë hetimet edhe mbi personelin mjekësor. Organi i akuzës ka sekuestruar kamerat e sigurisë së spitalit për të parë se me kë kishte komunikim 58-vjecarja duke qenë se ajo nuk punonte si sanitare në pavionin ku ishte e shtuar pacientja që humbi jetën nga koronavirusi. Nga ana e prokurorisë janë sekuestruar edhe libri i shërbimeve për të parë se si ishin të ndara turnet dhe kush mjek dhe infermier ka pasur për detyrë të kujdesej për nënës e denoncueses. Gjithashtu prokuroria ka marrë kartelën e mjekimeve që i janë bërë pacientes për ta krahasuar me recetat e ilaçeve që i janë bërë. Për të vërtetuar nëse i janë dhënë të njëjtat medikamente, që sanitarja i ka dhënë denoncueses. Po ashtu prokuroria është duke administruar provat për të gjitha denoncimet e bëra publike. Organi i akuzës është duke këqyrur të telefonatat e të tre grave për të faktuar nëse kemi të bëjmë me një skemë të mirëfilltë zhvatje. Pas kryerjes së këtyre verifikimeve organi i akuzës do të nisë me marrjen në pyetje të mjekëve dhe infermierëve.