Policia Rrugore e Tiranës ka vijuar me kontrollet intensive gjatë gjithë javës, duke arrestuar e proceduar 24 shoferë dhe gjobitur mijëra të tjerë. Sipas njoftimit drejtuesit u vendosën nën akuzë pasi u kapën duke drejtuar mjetet në gjendje të dehur, pa leje drejtimi si dhe për shkak të shkeljeve të rregullave të qarkullimit rrugor. Po ashtu tre prej tyre u ndaluan pasi u larguan nga vendi I aksidenteve. Ndërkohë nga ana tjetër u vendosën 10900 gjoba. Kryesisht ndëshkimet ishin për shpejtësi të lartë, përdorim celulari, mosvendosje rripi dhe mosrespektim të sinjalit STOP. Gjoba të shumta pati dhe për parkim të gabuar, ku konkretisht u vendosën 8000 masa. Vetëm gjatë një dite në kryeqytet mesatarisht sipas uniformave blu u gjobitën 1557 shoferë. Si pasojë u pezulluan në shumë se 50 patenta si dhe u bllokuan 12 mjete. Policia thotë se do t’I vijojë kontrollet ndërsa apelon drejtuesit që të respektojnë rregullat e qarkullimit rrugor.