Numri i lindjeve në Shqipëri shënoi një rënie të lehtë gjatë gjashtëmujorit të parë të vitit 2026. Sipas të dhënave të INSTAT, në rang vendi u regjistruan 10,229 lindje, 108 më pak se në të njëjtën periudhë të vitit të kaluar, me një rënie prej rreth 1%. Rënia është përqendruar kryesisht në Tiranë dhe Durrës. Në kryeqytet u regjistruan 4,748 lindje në gjashtëmujorin e parë të 2025-ës, pra 274 lindje më pak. Pa Tiranën, pjesa tjetër e vendit do të kishte shënuar rritje me 166 lindje, shkruan revista Monitor. Edhe në Durrës lindjet ranë me rreth 5%. Të dy qarqet së bashku patën 327 lindje më pak. Në disa qarqe lindjet u rritën ndjeshëm. Fieri kryesoi me 69 lindje më shumë, i ndjekur nga Berati me 11%, Dibra me 9% dhe Kukësi me 8.7%. Të dhënat lidhen edhe me vështirësitë ekonomike dhe kostot e larta të jetesës. Në Tiranë, çmimi mesatar i qirasë ka arritur në rreth 721 euro në muaj. Sipas përllogaritjeve të publikuara, një individ me pagë mesatare duhet të shpenzojë rreth 97% të të ardhurave neto vetëm për strehimin.