Procesi mësimor më datë 6 dhjetor, ditën kur në kryeqytet do të mbahet Samiti BE-Ballkani Perëndimor, do të vijojë normalisht sic do ditë tjetër. Edhe pse një pjesë e madhe e rrugëve kryesore do të jenë të bllokuara me perimetër sigurie, për sigurimin e delegacioneve, këto masa sipas Ministrisë së Arismit, nuk pengojnë zhvillimin e procesit mësimor. Lajmin e bëri me dije vetë ministrja e arsimit Evish Kushi, përmes një postimi në rrjetin social Facebook. Ministrja shkruan se, ky samit është një ngjarje historike për Shqipërinë, ndersa fton mësuesit e të gjithë vendit për të ndarë me nxënësit opinionet për rrugëtimin e Shqipërisë drejt BE-së. “Për herë të parë, të gjithë liderët e BE-së mblidhen në një vend jashtë BE-së për një samit të Këshillit Evropian. Ky është nder dhe vlerësim i madh për vendin tonë, por s’ka arsye për të ndaluar procesin mësimor. Madje i ftoj të gjithë mësuesit, në të gjithë vendin, që ta shfrytëzojnë këtë ditë kaq të veçantë për të ndarë me nxënësit opinionet për rrugëtimin e vështirë evropian të atdheut tone”, shkruan kushi në postimin e bërë në Facebook.