Pas mbledhjes së qeverisë, ministri i turizmit, Blendi Gonxhja u ndal tek plazhet publike, të cilat po tarifohen në bazë të tipologjisë dhe kostos së tyre të mirëmbajtjes. Sipas Gonxhes, kjo formë menaxhimi mund të shërbejë si rregullator dhe të bëjë që plazhet private të ruajnë tavanet e çmimeve për shkak të konkurrencës me plazhet publike. “Dhe duke shtuar një tipologji të re që është tipologjia e plazheve publike të menaxhuara nga njësitë e vetë-qeverisjes vendore. Krahas plazhit të virgjër, kemi edhe tipologjinë e plazheve, që disa bashki i kanë vendosur të gjitha shërbimet, edhe çadra, edhe shezlonge, apo dushe, i cili në disa prej bashkive është tarifuar në 700 lekë apo 1000 lekë. Kjo në varësi të plazheve Ka disa tarifa që janë pak më të larta. Tipologjitë e plazheve, kanë bërë që edhe plazhet private të ruajnë tavanet e çmimeve, për shkak të konkurrencës nga këto plazhe publike” Një koment, Gonxhja e pati edhe për revolucionin e flamingove, që prej javësh kërkon largimin e qeverisë socialiste nga pushteti. “Tani të lëmë çdo gjë në mes dhe secili të heqë dorë nga gjithçka pa e ditur se çfarë është ajo që propozohet kalon përejt meje si Blend, kalon përtej meje si ministër. Ne kemi shumë përgjegjësi ndaj qytetarëve, karshi vendit, karshi një kontrate që përfaësojmë këtu. Është në respekt të vetë, protestës që ne të sillemi me përgjegjsi ndaj atyre që na kanë votuar. Ne duhet të respektojmë vullnetin e të gjithë qytetarëve. Vetëm kështu mund të mendojmë se mund të kemi një rezultat më të mirë. Nuk ka asnjë mundësi që të kemi një Shqipëri perfekte befas, menjëherë dhe në kaq pak vite të një periudhe kur PS-ja, kur shumë instotucione që i kanë besuar PS kanë kaluar sfida të cilat ju i dini shumë mirë.”