Si do të tingëllonte bota e Odisesë, nëse do të dëgjohej ashtu si qindra mijëra vjet më parë? Për ta bërë sa më të prekshme, për filmin e tij më të ri ‘Odiseja’, regjisori Christopher Nolan nuk zgjodhi një orkestër tradicionale simfonike për kolonën zanore. Ai kërkoi dicka krejt ndryshe, tinguj autentikë, që i rezistojnë kohës. Për këtë mision, kompozitori fitues i Oscar-it, Ludëig Göransson, udhëtoi deri në jug të Shqipërisë. Në këtë udhëtim për të mbledhur tingujt për filmin, Goransson për një javë regjistroi iso-polifoninë shqiptare, një nga traditat më të vjetra muzikore në botë, e njohur edhe nga UNESCO si pasuri e njerëzimit. I gjendur mes barinjve shqiptarë, kompozitori Goransson zbuloi një instrument që do të behej pjesë e kolonës zanore të Odisesë, cylja Dyjare. Një vegël frymore me dy tuba, tingulli i së cilës ruan jehonën e një tradite mijëravjeçare. “Duhej t’i përfundonim regjistrimet në orën 18:00, sepse të gjithë duhej të zgjoheshin në orën 04:00 të mëngjesit për t’u kujdesur për delet e tyre.”-është shprehur Goranson për eksperiencën në jugun e Shqipërisë, ku edhe gjeti frymëzimin që kërkonte.