Vladimir Putin ka një “qëndrim të veçantë ndaj misticizmit dhe madje është konsultuar me shamanët nëse duhet të lëshojë armët bërthamore, kanë zbuluar burimet ruse. Presidenti rus thuhet se vizitoi shamanët në Mongoli dhe Siberi, të cilët pretendojnë se mund të komunikojnë me botën shpirtërore, për të diskutuar taktikat ushtarake. Ai madje kërkoi bekimin e tyre për të përdorur armë bërthamore gjatë udhëtimit të tij në Mongoli pasi kishte frikë të 'zemëronte shpirtrat', kanë thënë figura të opozitës ruse. Kryeministri rus vizitoi Mongolinë muajin e kaluar si pjesë e një udhëtimi të rrezikshëm pasi vendi është anëtar i Gjykatës Ndërkombëtare Penale, e cila lëshoi një urdhër arresti për të vitin e kaluar. Por zyrtarët mongolë nuk e ndaluan atë, duke pretenduar se varësia e tyre nga ish-kombi sovjetik për energji është shumë e madhe për të zbatuar urdhër-arrestin. Mikhail Zygar, themeluesi i kanalit të ndaluar të opozitës TV Dozhd, tha se arsyeja pse Putin e ndërmori këtë udhëtim, ishte konsultimi me shamanët. “Mongolia thuhet se mban shamanët më të fuqishëm në botë. Putin ka qenë prej kohësh i njohur për qëndrimin e tij të veçantë ndaj misticizmit. Dhe ai me sa duket kombinon interesin e tij për misticizmin ortodoks me traditat pagane", tha ai për Der Spiegel. Zygar madje tha se Putini kërkoi këshillën e shamanëve përpara se të fillonte pushtimin e tij në Ukrainë në 2022. 'Të gjithë ata e siguruan atë për një fitore ushtarake', tha ai. Vitin e kaluar, media shtetërore ruse raportoi se krye-shamani rus, Kara-ool Dopchun-ool, i kërkoi "diellit, hënës dhe yjeve" të mbronin trupat e Kremlinit në Ukrainë. Kjo nuk është në fakt hera e parë që Putin përflitet për misticizmin e tij. Në vitin 2019, një shaman, Alexander Gabyshev. u arrestua dhe u mbyll në një repart psikiatrik pasi u përpoq të përshkonte 8 mijë km përmes Siberisë deri në Kremlin, për të nxjerr djallin nga Putini...