I ftohti arktik ka mbërthyer pjesë të mëdha të rusisë të martën me temperaturat në siberi që kanë rënë në -58 gradë celcius. Jakutsku, një nga qytetet më të ftohta në botë, që ndodhet rreth 5 mijë km në lindje të moskës, ëhstë mbuluar nga re të ngrira dhe smog, tregojnë pamjet e dronëve. “Unë erdha enkas këtu në Jakutsk për të përjetuar një mot të tillë. Jam me fat pasi në dhjetor nuk ndodh kjo zakonisht”, thotë Danila, mjekrra, kapela dhe shalli i të cilit kishin ngrirë. “Nuk kam në të vërtetë shumë ftohtë pasi u përgatita sic duhet”, thotë ai. “Nëse nuk do të kisha veshur rrobat e duhura do të kisha ngrirë brenda pak minutave”. Ai thotë se temperaturat ekstreme e kishin bërë pallton e tij të rëndë dhe të ngurtësuar ndërsa telefoni celular e humbiste karikimin brenda pak minutash. Dy palë dorëza janë të domosdoshme, bashkë me shumë shtresa rrobash në trup. Temperaturat në disa pjesë të republikës Sakha, një rajon i gjerë pak më i vogël se India në përmasa, që ndodhet në pjesën verilindore të siberisë, shkuan nën -55 gradë celcius gjatë natës. Në Ojmjakon, një qytezë atje, temperatura ishte -58 gradë celcius të martën. Parashikuesit e motit thonë madje se temperatura ndjehej si -63 gradë për shkak të lagështisë dhe erës. Në tregun e Jakutskut, peshku shitet i ngrirë kallkan, i paketuar në kuti në treg dhe frigoriferi është krejt i panevojshëm. “Është shumë ftohtë”, thotë një banor. “Duhet të kesh sasinë e duhur të rrobave që të jesh mirë. Gjëja kryesore është të mos ndalosh së lëvizuri në mënyrë që gjaku të qarkullojë pa pushim”.