Izraeli u ka bërë thirrje palestinezëve që jetojnë në qytetin jugor të Gazës, Rafah, që të evakuohen. Ato janë udhëzuar që të largohen dhe të ikin në zonën humanitare në Al-Maëasi. Këto thirrje kanë lënë vend për dyshime që Izraeli po planifikon të zgjerojë ofensivën e tij tokësore atje. Në një postim në platformën X, një zëdhënës ushtarak u bëri thirrje gjithashtu banorëve dhe personave të zhvendosur në zonën Jabalia të Gazës veriore, dhe 11 lagje të tjera në enklavë që të shkojnë menjëherë në strehimore në perëndim të qytetit të Gazës. Teksa ende nuk dihen planet e Izraelit për avancimin e saj në këtë front, ky është një tregues se ushtria izraelite është duke ecur përpara me planet e saj për një sulm tokësor në Rafah. Ministria palestineze e shëndetësisë tha se të paktën 37 palestinezë, 24 prej tyre nga zonat qendrore të Gazës, u vranë në sulmet ajrore gjatë natës në të gjithë enklavën, duke përfshirë edhe Rafahun. Administrata Biden tha të premten se përdorimi i armëve të furnizuara nga SHBA nga Izraeli mund të ketë shkelur ligjin ndërkombëtar humanitar gjatë operacionit të tij në Gaza, duke kritikuar kështu ashpër Izraelin.