Dy egjiptianët që humbën jetën në aksidentin e tragjik të së mërkurës në rrethrrotullimin e Saukut në Tiranë nuk duhej të drejtonin mjetin betonieren kamion. Dyshimet e ngritura nga Top News ditën e enjte për mënyrën se si janë pajisur ata me leje drejtimi për kamion në rastin e shoferit dhe pompist në rastin e punonjësit konfirmohen nga Drejtoria e Përgjithshme e Transportit Rrugor. Përmes një deklarate, drejtoria thotë se dy Mohamed Lotf, që drejtonte betonieren kamion nuk është pajisur me leje drejtimi shqiptare dhe Mohamed Ali nuk kishte dëshmi aftësie profesionale për profilin automakinist. Sipas legjislacionit në fuqi, autobetonieret klasifikohen si mjete për përdorim të veçantë dhe drejtuesit dhe automakinistët e tyre duhet të jenë të pajisur me leje drejtimi dhe dëshmi aftësie të posaçme, të cilën dy egjiptianët nuk e kishin. Deklarata e Drejtorisë së Përgjithshme të Transportit Rrugor thellone dhe më tej skandalin, ku përfshihet një zinxhir i gjatë institucionesh, që nga inspektoriati i punës deri te Policia e Shtetit.