Niveli i ujit në lumin Danub në Rumani ra në nivelin më të ulët që nga viti 1996 gjatë fundjavës, duke shkaktuar kufizime të ujitjes për fermerët dhe duke ndërprerë pjesërisht transportin detar dhe turizmin përgjatë brigjeve të tij. Rrugët ujore në të gjithë Evropën janë prekur nga valët e zgjatura të nxehtësisë dhe thatësirës këtë vit dhe temperatura mesatare maksimale në të gjithë Evropën Perëndimore të hënën parashikohej të ishte 26.2 gradë Celsius, 2.7 gradë mbi nivelin normal të lartë për këtë ditë të korrikut. Agjencia shtetërore e menaxhimit të ujërave në Rumani, tha se niveli në pikën hyrëse rumune të lumit të dytë më të gjatë të Evropës ishte 1,700 metra kub ujë në sekondë të dielën, kundrejt një diapazoni mesatar të korrikut prej 4,700 metrash kub në sekondë. Pamjet tregojnë pjesë të mëdha, të thata, në brigje pranë kufirit me Bullgarinë fqinje, me disa shërbime tragetesh të pezulluara dhe anije të bllokuara. Autoritetet kanë kufizuar aksesin e fermerëve në ujë për ujitjen e të korrave në Rumaninë juglindore dhe kanë kontrolluar rezervuarët e ujit për të siguruar nivelet minimale të kërkuara për ftohjen e dy reaktorëve të prodhuesit shtetëror të energjisë bërthamore Nuclear-electrica.