Ted Kaczynski, një ish profesor matematike që u bë i njohur si Unabomber pasi kreu një fushatë misterioze bombardimesh që zgjati për 17 vjet dhe që mori tre jetë njerëzish dhe hutoi FBI-në, është ndarë nga jeta të shtunën në moshën 81 vjecare. Kaczynski, që bëri dhe dërgoi shumë prej bombave të tij ndërsa jetonte në një kabinë primitive pa ujë të pijshëm në montanën rurale, u gjet pa ndjenja mëngjesin e të shtunës në burgun ku po mbahej në Karolinën e veriut. Ai u shpall më pas i vdekur nga zyrtarët në një spital lokal. I diplomuar në universitetin e harvardit, i vetëm që në fëmijëri, ai vendosi në shënjestër akademikë, shkencëtarë dhe pronarë dyqanesh të kompjuterave e madje u përpoq të hidhte në erë edhe një linjë ajrore, në një fushatë terrori nga viti 1978 e deri në 1995 kunmdër atyre që ai besonte se ishin djajtë e teknologjisë moderne. Për vite të tëra ai frustroi policinë, që pa asnjë të dhënë për identitetin e vrasësit e quajti rastin e tij UNABOMB, për shkak të bombave të vendosura në universitet dhe në kompaninë ajrore. E dhëna e parë erdhi kur Aczynski publikoi një manifest të gjatë, të titulluar Shoqëria Industriale dhe e Ardhmja e saj, në shtator të 1995-ës. Vëllai më i vogël i tij, David, kishte informuar policinë për idetë e autorit të manifestit, që ngjasonin shumë me ato të Ted Kaczynskit. Agjentët e arrestuan dhe zbuluan pastaj bombat në kabinën e tij, në prill 1996. Pasi refuzoi përpjekjet e avokatëve për të provuar problemet e tij mendore, Kaczynski pranoi fajësinë për të gjitha akuzat federale dhe një gjykatë e dënoi atë me katër dënime të përjetshme plus 30 vjet burg.