Terror në Gjermani. Sulm me armë në mes të qytetit, 5 viktima në veri të vendit Të paktën pesë persona kanë humbur jetën nga një sulm me armë zjarri në qytetin Stade, në veri të Gjermanisë, njoftoi policia të hënën. Një zëdhënës i policisë konfirmoi se një person është arrestuar, por nuk dha detaje të mëtejshme mbi numrin e saktë të viktimave apo rrethanat e ngjarjes. Sipas disa raportimeve, të shtënat ndodhën në një qendër rinore, megjithatë autoritetet nuk e kanë konfirmuar ende zyrtarisht këtë informacion. Policia zhvilloi një operacion të gjerë në qendër të Stade, një qytet me rreth 50 mijë banorë, i vendosur pranë lumit Elba, rreth 50 kilometra në perëndim të Hamburgut. “Ju kërkojmë të largoheni nga zona dhe të mos i afroheni për sigurinë tuaj”, njoftoi policia gjatë operacionit. Më vonë, autoritetet deklaruan se zona ishte e sigurt dhe se nuk ekziston më asnjë rrezik për qytetarët, ndërsa u bënë thirrje të vazhdojnë të shmangin vendngjarjen derisa hetimet të përfundojnë.