Presidenti i vendit, Ilir Meta, përmes një postimi në Tëitter, ka shprehur solidaritetin për popullin dhe autoritet kroate për tërmetin e fuqishëm që ka goditur zonën e Petrinjas në Kroaci. Kreu i shtetit shkruan se Shqipëria është pranë Kroacisë me të gjithë kapacitetet e mundshme në këtë mom,ent të vështirë. “I trishtuar nga tërmeti i rëndë, që goditi Kroacinë mike! Solidaritet njerëzor me popullin dhe autoritetet kroate, me urimin për ta përballuar me të gjithë forcën këtë situatë të vështirë dhe lehtësuar dhimbjen e familjeve, që kanë humbur të dashurit e tyre. Pranë Krocisë, me të gjithë kapacitetet tona të mundshme, si partnerë strategjikë, krah për krah në çdo sfidë”. thuhet në postimin e Metës. Edhe kryeministri Edi Rama përmes një postimi në Tëitter ka shprehur solidaritetin me popullin krat dhe drejtuesit më të lartë të shtetit atje. “U kam përcjellë shprehjen e solidaritetit vëllazëror Presidentit Milanoviç&Kryeministrit Plenkoviç, për fatkeqësinë mbi qytetin Petrinja! Shqipëria i është pranë me zemër Kroacisë mike e do të japë ndihmën e saj modeste për shërimin e plagës së hapur nga tërmeti i fortë”, thuhet ne postimin e Ramës.