Qyteti më i madh i Turqisë, Stambolli ndodhet në vijën e thyerjes së Anadollit të Veriut dhe është i prekshëm nga tërmetet. Qyteti ka parë lëkundje vdekjeprurëse më parë dhe banorët e tij kanë frikë prej kohësh për një lëkundje edhe më të madhe. Ekspertët kanë paralajmëruar se rreziku që Stambolli të përballet me një tërmet me magnitudë 7 ballë deri në vitin 2030 janë në 64%. Në vitin 1999, një tërmet me magnitudë 7.4 mori 17,000 jetë njerëzish dhe vitin e kaluar ministri i mjedisit i Turqisë paralajmëroi se Stambolli nuk kishte kapacitet për të përballuar një tjetër lëkundje me përmasa të ngjashme. "Një në çdo pesë shtëpi në Stamboll, pothuajse 1.5 milion, konsiderohen të paqëndrueshme," tha Murat Kurum. Ministri i mjedisit i quajti madje përgatitjet për përballimin e tërmeteve, një cështje të sigurisë kombëtare.