Një tërmet me magnitudë 6 ka goditur një zonë në turqinë perëndimore, afër qytezës Duzce, rreth 210 km në lindje të qytetit më të madh të Turqisë, Stamboll. Dridhjet e tokës ishin të forta mjaftueshëm sa për tu ndjerë edhe në Stamboll dhe në kryeqytetin Ankara. Të paktën 46 persona janë lënduar – thanë zyrtarët. Vlerësohet se thellësia e tërmetit verion nga 2 deri në 10 kilometra. Ka raporte sipas të cilave energjia elektrike është shkëputur në rajon ndërkohë që disa banorë janë hedhur nga ballkonet për të shpëtuar. Një tjetër tërmet me magnitudë 4.7 u raportua rreth 20 minuta pas të parit. Ministri i brendshëm turk, Sulejman Soylu tha se nuk kishte informacione për momentin për jetë të humbura njerëzish. Por më vonë, agjencia turke e katastrofave tha se 37 persona ishin lënduar në Duzce, një në stamboll, gjashtë në Zonguldak, një në sakarya, në brigjet e detit të zi dhe një në Bolu, në juglindje.