Një tërmet i fuqishëm me magnitudë 7.7 i shkallës Rihterit goditi të hënën juglindjen e Turqisë dhe veriun e Sirisë, duke lënë të vdekur qindra persona. Numri i viktimave besohet se është 500, dhe të paktën 2300 persona raportohet se janë plagosur në të dy shtetet. Turqia gjendet mbi një nga linjat më të mëdha sizmike dhe shpesh goditet nga tërmetet. Ky mund të jetë tërmeti më i madh që ka goditur Turqisë, thotë Stephen Hicks, sizmolog në Universiin e Londrës. Epiqendra e tërmetit të së hënës ishte rreth 26 kilometra nga qyteti Nurdagi dhe rreth 33 kilometra larg qytetit Gaziantep, tha Shërbimi Gjeologjik amerikan. Miliona njerëz në të gjithë Turqinë, Sirinë, Libanin, Qipron dhe Izraelin e ndjenë tërmetin. Deri më tani ka pasur të paktën 40 pas lëkunddje përfshirë edhe një në shkallë prej 6.7 shkallësh të Rihterit. Në të dy shtetet po zhvillohen operacione për të shpëtuar njerëzit e bllokuar nën rrënoja pas rrëzimit të ndërtesave. Tërmeti ra në orën 4 të mëngjedit dhe në dy anët e kufirit, banorët ishin në gjumë kur goditi tërmeti dhe ata dolën jashtë në mot të ftohtë, me borë dhe shi, teksa ndërtesat u rrëzuan.