Një tërmet i fuqishëm me magnitudë 7.4 ballë ka tronditur pjesën perëndimore të Kolumbisë, duke shkaktuar dëme të mëdha në disa qytete. Sipas Shërbimit Gjeologjik të SHBA-së, epiqendra e tërmetit ishte pranë San José del Palmar, në një thellësi prej rreth 82 kilometrash. Të paktën 20 ndërtesa raportohet se janë shembur në Cali, ndërsa disa persona kanë mbetur të bllokuar nën rrënoja. Lëkundjet janë ndjerë në një pjesë të madhe të Kolumbisë, si dhe në Venezuelën fqinje. Pamje të publikuara në rrjetet sociale tregojnë ndërtesa të dëmtuara dhe të shembura, mes tyre edhe një katedrale. Në disa qytete janë kryer evakuime, ndërsa autoritetet po vlerësojnë dëmet dhe rrezikun e pasgoditjeve. Gjashtë aeroporte në vend kanë pezulluar përkohësisht operacionet si masë sigurie. Presidenti i Kolumbisë deklaroi se ka urdhëruar krijimin e një Poste të Komandës së Bashkuar për koordinimin e operacioneve të shpëtimit dhe ndihmës për personat e prekur. “Nuk jeni vetëm. Qeveria është këtu dhe po ndërmerr veprime”, deklaroi ai.