Në kulmin e një fushate të ashpër kundër emigracionit, automjete me agjentë të maskuar të policisë së imigracionit shfaqeshin shpesh në rrugët e Minneapolis, ndërsa mijëra persona arrestoheshin çdo javë në Teksas, Florida dhe Kaliforni. Sipas të dhënave të analizuara nga Projekti i të Dhënave të Dëbimeve, në dhjetor arrestimet nga agjentët e emigracionit arritën gati 40 mijë në nivel kombëtar, ndërsa edhe muajin pasues mbetën në nivele shumë të larta. Në fund të janarit, vrasja në Minneapolis e dy shtetasve amerikanë nga oficerë të imigracionit dhe shqetësimet në rritje për përdorimin e tepruar të forcës sollën një ristrukturim të drejtuesve të lartë të emigracionit. Pas këtyre zhvillimeve, arrestimet nga ranë mesatarisht me rreth 12% në të gjithë vendin. Po ashtu, sondazhet treguan se publiku e konsideronte të tepruar operacionin në Minnesota, faktor që besohet se ndikoi edhe në largimin e sekretares së Homeland Security, Kristi Noem, në fillim të marsit. Bovino u tërhoq nga drejtimi i operacioneve pas ngjarjeve në Minneapolis, ndërsa drejtori i kufijve Tom Homan u dërgua në qytet për të rishikuar strategjinë. Më 4 shkurt ai njoftoi uljen e pranisë së agjentëve . Të dhënat tregojnë se pesë javë pas këtij vendimi, arrestimet ranë në mesatare 7,369 në javë, nga 8,347 në pesë javët paraardhëse. Pavarësisht rënies, shifrat mbetën më të larta se shumica e periudhës së parë të mandatit të dytë të Donald Trump dhe dukshëm mbi nivelet e administratës Biden.