Franca po i ofron inteligjencë Ukrainës, tha të enjten ministri i Mbrojtjes Sebastien Lecornu, një ditë pasi Uashingtoni tha se po pezullonte shkëmbimin e inteligjencës me Kievin, një përpjekje për të rritur presionin ndaj presidentit të Ukrainës, Volodymyr Zelenski. Shtetet e Bashkuara po bëjnë presion që Zelenskiy të bashkëpunojë me përpjekjen e Presidentit Donald Trump për të cuar përpara bisedimet e paqes me Rusinë. "Ne kemi burime të inteligjencës që i përdorim për të ndihmuar ukrainasit," i tha Lecornu stacionit radiofonik France Inter. "Ndarja e të dhënave të inteligjencës nga SHBA është pezulluar që nga pasditja e djeshme," shtoi ai. "Unë mendoj se për miqtë tanë britanikë që janë në një komunitet të inteligjencës me Shtetet e Bashkuara, cështja është më e ndërlikuar". Lecornu tha gjithashtu se rezervat e armëve bërthamore të Francës, të zhvilluara në ditët e para të Luftës së Ftohtë dhe të dizajnuara për të qenë të pavarura nga fuqitë e atëhershme dominuese, Uashingtoni dhe Moska, ishin të mjaftueshme.