Alibeaj parashtroi në tryezën e selisë së Partisë Demokratike, gjashtë propozime, përmes të cilave i shtrin dorën gjithë deputetëve të përjashtuar dhe pezulluar, për t’u rikthyer në grupin parlamentar të Partisë Demokratike, përveç Sali Berishës. Alibeaj e cilësoi anulimin e zgjedhjeve të njëanshme në nivel dege dhe Kuvendit Kombëtar të 30 prillit, si një pikë që çon demokratët drejt bashkimit, duke propozuar të zhvillohen zgjedhje të përbashkëta si për krerët në nivel dege ashtu edhe për lidershipin e ri të Partisë Demokratike. Gjashtë propozimet e Alibeajt u hasën me kundërshtimin e prerë të ish kryeministrit, Sali Berisha, i cili nuk e njeh më Alibeajn si kreun e grupit parlamentar.